Samskiptasetur Erindis er í húsnæði Reita í Spönginni í Grafarvogi, þar geta aðstandendur í eineltismálum fengið ráðgjöf og þjónustu frá fagaðilum.
Jákvæðni, fagmennska og samvinna
Árangur Reita til lengri tíma felst í fleiru en góðri fjárhagslegri afkomu svo sem því hvernig til tekst að glæða grunngildi félagsins, jákvæðni, fagmennsku og samvinnu, lífi í daglegri starfsemi þess.
Sem ábyrgur samfélagsþegn leggja Reitir góðgerðarstarfsemi lið. Aðstoðin snýr að félagasamtökum og félögum sem starfa almennt í takti við stefnu félagsins um samfélagslega ábyrgð. UNICEF, UNWomen, Specialisterne, Erindi, Fjölskylduhjálp Íslands og Heimili og skóli eru á meðal samtaka sem njóta stuðnings Reita.
Reitir hafa hýst UNICEF og UN Women á Íslandi frá upphafi
Reitir hafa styrkt starf UNICEF á Íslandi og hýst starfsemi okkar allar götur frá stofnun landsnefndarinnar. Sá stuðningur er okkur afar dýrmætur enda gerir hann okkur kleift að halda kostnaði í lágmarki og halda úti öflugri baráttu fyrir réttindum barna um allan heim.
Bergsteinn Jónsson, framkvæmdastjóri UNICEF á Íslandi.
Reitir berjast gegn einelti barna og unglinga
Stuðningur Reita er okkur í Erindi ómetanlegur. Við höfum komið okkur vel fyrir í fallegu húsnæði á frábærum stað. Þessi stuðningur skilar sér beint til barnafjölskyldna í formi ókeypis ráðgjafar í samskiptamálum.
Björg Jónsdóttir, framkvæmdastjóri Erindis - samtaka um samskipti og skólamál.
Atvinnumál einhverfra studd af Reitum í 5 ár
Specialisterne, samtök sem stuðla að atvinnuþátttöku einstaklinga á einhverfurófi, hafa verið í húsnæði Reita frá upphafi.
Allt frá fyrsta degi í rekstri Specialisterne á Íslandi hafa Reitir verið okkar verðmætasti styrktaraðili. Specialisterne hafa notið ótrúlegrar velvildar Reita sem hefur verið ein megin forsenda fyrir því að við störfum enn. Félagið og allir aðstandendur þess eru Reitum innilega þakklátir fyrir stuðninginn.
Bjarni Torfi Álfþórsson, framkvæmdastjóri Specialisterne á Íslandi.
Græn leiga er samstarf um umhverfisvænt viðhald og endurnýjun á húsnæði.
Reitir bjóða öllum viðskiptavinum græna leigu
Árið hjá Reitum
-
Auglýst var eftir rekstraraðila að hóteli í gamla sjónvarpshúsinu
Auglýst var eftir rekstraraðilum í tengslum við þróun hótels að Laugavegi 176 s.l. haust, og var mikill áhugi á meðal hótelrekstraraðila. Gert er ráð fyrir stækkun byggingarinnar og að hún verði um 6.700 fm. að stærð með um 120-160 herbergjum auk verslunar- og þjónusturýma á jarðhæð. Samningaviðræður standa yfir við alþjóðlegan rekstraraðila og stefnt er að undirritun leigusamnings í sumar ef forsendur ganga eftir. -
Reitir hlutu viðurkenningu sem Fyrirtæki mannúðar 2016
Reitir hlutu viðurkenningu sem Fyrirtæki mannúðar 2016, það var fjölskylduhjálp Íslands sem veitti Reitum viðurkenninguna, en Reitir hafa stutt samtökin með húsnæði í Iðufelli til okkurra ára. -
Vel heppnaðar breytingar á sögufrægu húsi
Í tengslum við opnun veitingahússins Matarkjallarans í Aðalstræti 2 var grafið frá kjallara þessa sögufræga húss en sagnir herma að á þessum stað hafi Ingólfur Arnarson dregið skip sín í naust og voru tóttir naustsins enn sýnilegar á 18. öld. -
Álftamýri 1-5 bættist í eignasafn Reita
Álftamýri 1-5 er um 2.240 fermetra hús sem hýsir heilsumiðstöðina Lífstein. -
Eignarhlutur Reita í Kringlunni jókst árið 2016
Á árinu 2016 keyptu Reitir rúmlega 1.000 fermetra í Kringlunni í þremur kaupum, um var að ræða tvö verslunarrými á 2. hæð auk tæplega 700 fermetra rýmis sem hýsir læknastofur og er á þriðju hæð í norðurenda. -
Reitir keyptu húsnæði Alda Hotel Reykjavik
Alda Hotel Reykjavik er skemmtilega hannað hótel í endurnýjuðu 4.085 fm. húsnæði að Laugavegi 66-70. Afhending hótelsins fór fram í janúar 2017. -
Reitir kaupa listaverk til styrktar Bleiku slaufunni
Kaupmenn og viðskiptavinir Kringlunnar söfnuðu rúmum fjórum milljónum á góðgerðardegi Kringlunnar „Af öllu hjarta“ sem tileinkaður var Bleiku slaufunni. Auk upphæðarinnar sem safnaðist hjá verslunum málaði listamaðurinn Tolli málverk með leikskólabörnum sem Reitir keyptu og rann allur ágóði til málefnisins. -
Fiskistofa leigir á Borgum á Akureyri
Fiskistofa flutti starfsemi norður á Akureyri og leigði um 715 fm. á þriðju hæð að "Borgum" á Norðurslóð 4. -
Hard Rock Cafe rýkur upp í Lækjargötunni
Í október buðu Reitir Hard Rock Cafe velkomið til starfa í klæðskerasniðnu þriggja hæða húsnæði að Lækjargötu 2a.
