Ársskýrsla Reita 2018

Votlendissjóðurinn var stofnaður með það að markmiði að stuðla að endurheimt votlendis og draga með því úr losun gróðurhúsalofttegunda. Sjóðurinn kemur til með að aðstoða landeigendur við endurheimta votlendis sem ekki er nýtt til landbúnaðar eða skógræktar. t.d. með því að fjármagna framkvæmdir og eftir aðstæðum leggja til kennslu, mannskap eða tæki. Talið er að allt að 70 prósent af losun gróðurhúsalofttegunda hér á landi komi frá framræstu og röskuðu votlendi.

Með kaupum á félaginu Vínlandsleið ehf. bættust í eignasafnið fasteignirnar Vínlandsleið 2-4, 6-8, 12-14 og 16 auk Norðlingabrautar 14. Leigutekjur á ársgrunni nema um 440 m.kr. og er meðaltími leigusamninga um 13,5 ár. Leiða kaupin til þess að áætlaður rekstrarhagnaður (NOI) Reita hækkar um 350 m.kr. á ársgrundvelli.

Kringlan hefur lagt hornstein að stafrænni framtíð. Þróun er hafin á stafrænum lausnum til að auka enn frekar þjónustu við viðskiptavini. Markmiðið er að koma til móts við viðskiptavini og gera fjölbreytt vöruúrval verslana Kringlunnar aðgengilegt á vefsíðunni kringlan.is og auka bein samskipti í gegnum samfélagsmiðla. Viðskiptavinir eiga að geta haft alla Kringluna í hendi sér.

Skrifstofur spítalans flytjast í fimm þúsund fermetra hús í Skaftahlíð en verið er að breyta húsnæði þeirra í Eiríksgötu í göngudeild.

Gert er ráð fyrir 160 þús. nýjum fermetrum sem munu mynda öflugt borgarhverfi með blöndu af íbúðum, verslun og þjónustu, menningu og listastarfsemi. Fjöldi íbúða getur orðið 800 til 1.000 talsins á þessu 13 hektara svæði sem verður byggt upp í áföngum.

Reitir gerðu á árinu 2018 nýjan leigusamning við Umhverfisstofnun um húsnæði við Suðurlandsbraut. Húsnæði stofnunarinnar verður endurnýjað með gagngerum hætti á næstu misserum. Reitir og Umhverfisstofnun ætla að vinna allar endurbætur í samræmi við Svaninn og hafa sótt um slíka vottun á endurbæturnar. Svanurinn er opinbert umhverfismerki Norðurlandanna, kröfur Svansins tryggja að Svansmerkt vara sé betri fyrir umhverfið og heilsuna, meðal annars með því að uppfylla strangar kröfur um efnainnihald og lágmörkun á notkun hættulegra efna við þjónustu og framleiðslu vöru.

Reitir hlutu á árinu viðurkenningu sem framúrskarandi fyrirtæki að mati Creditinfo. Einnig endurnýjaði Rannsóknarmiðstöð um stjórnarhætti viðurkenningu Reita sem fyrirmyndarfyrirtæki í góðum stjórnarháttum.